Krishna Satakamu - కృష్ణ శతకము - Poems 46-50

46.

వెలిపపు  తేజీ నెక్కియు

నిలపై ధర్మంబు నిలుప, హీనుల ద్రుంపన్

కలియుగము తుదిని  వేడుక

కలికివి గానున్న లోక కర్తవు కృష్ణా

Tough words:  వెలిపపు = తెల్లని ; తేజీ = గుఱ్ఱము

47.

వనజాక్ష! భక్తవత్సల!

ఘనులగు త్రైమూర్తులందు కరుణా నిధివై

కన, నీ సద్గుణ జాలము

సనకాది మునీంద్రు లెన్న జాలరు కృష్ణా

Tough words:  కన = చూడగా

48.

అపరాధ సహస్రంబుల

నపరిమితము లైన యఘము లనిశము నేనున్

గపటాత్ముడనై జేసితి

చపలుని నను గావు శేషశాయివి కృష్ణా

Tough words: అఘములు = పాపములు;  అనిశము= ఎల్లప్పుడు

49.

నరపశుడ మూఢచిత్తుడ

దురితారంభుడను మిగుల దోషగుడను నీ

గురుతెరుగ నెంత వాడను

హరి నీవే ప్రాపు దాపు వౌదువు కృష్ణా

Tough words: నీ  గురుతెరుగ = నిన్ను తెలుసుకొన;   ప్రాపు దాపు= అండదండ

50.

పరనారీ ముఖపద్మము

గురుతుగా నొయ్యారి  నడక గొప్పును నడుమున్

అరయంగనె  మోహింతురు 

నిరతము నిను భక్తీ గొల్వ నేర్వరు కృష్ణా

Tough words:  అరయంగనె= చూడగనే